Melanesian Version Territories of Life - Tok Pisin

Giraun Emi Laif em wanem samtin stret?

Ol Giraun Emi Laif piksa emi soim stori bilong ol komunitis usait iwok bung wantaim na pait long olim bek tumbuna giraun bilong ol long ol kampani na gavman

Ol piksa Giraun Emi Laif, em bilong usait?

Ol piksa Giraun Emi Laif, em ol planti komuniti insait long wol ilukim na usim long strongim ol yet bilong wanem giraun em bikpela samting long ol. Ol usim ol dispela piksa taim:

Igat bikpela projek wok ikam

Ol komuniti ilusim pinis sampela giraun o olgeta giraun bilong ol

Ol komuniti iolim strong na banisim yet giraun bilong ol

Ol dispela piksa em ol NGO iusim long strongim ol yet na wok bilong ol insait long komuniti

U ken soim ol dispela piksa tu long ol gavman wokman o ol lain usait isave wok wantaim ol papa giraun, long skul, univesitis na ol narapela bung

Tok Pas piksa itokaut long wanem samtin tru em ol Giraun Emi Laif piksa, na usait iken usim na we yu ken usim.

Lukautim Giraun na Giraun bai Lukautim Yu - em piksa we isoim ol gutpela bilong banisim bus, giraun na wara bilong yu

Pasin bilong stilim tumbuna giraun - dispela em wanem? Wai na hau tru ikamap na wanem bagarap dispela ikamapim?

Pasin Bilong ol kampani - Dispela piksa itokaut long ol pasin kampani isave usim insait long komuniti long girisim ol papa giraun. Ol dispela pasin bilong ol iwankain stret isave kamap long planti komunitis long wol.

Wei Bilong Stretim Hevi wantaim Lo piksa isoim hau tru ol komunitis iusim lo bilong kantri bilong ol yet na tu intanesinol lo long pait long raits bilong ol 

Wei Bilong Tokaut piksa isoim hau tru tripela komuniti insait long kantri Indonesia, Tanzania na Ecuador iusim radio, intenet, nius kampani bilong ol yet na wol na piksa long tokaut long ol hevi bilong ol igo aut long namel long ol yet na tu long wol.